Кыргызстандагы медициналык авиация

AVIAV TM (Cofrance SARL) компаниясы Кыргызстанда медициналык авиация кызматтарын сунуш кылууга даяр. Көп учурда чоң аралыкта жайгашкан дарылоо пунктуна катуу оорулууну жеркирүү талап кылынат. Поезд же унаа менен жүрүүгө ал чыдабайт, жөнөкөй учакта да ага ыңгайсыз болот, анын үстүнө авиакомпаниялар мындай жүргүнчүнү бортко албайт.

Мындай жагдайда медициналык авиация жардамга келет. Оорулууга бортунда чыныгы медициналык палата же реанимациясы бар жеке учак берилет. Зарылчылык учурда аны кыймылсыз абалга келтирип, керектүү даары-дармектер жана жабдуулар менен камсыз кылуу мүмкүн. Анын үстүнө, мындай каттамдарда дайыма керектүү адистиктеги дарыгерлер коштошот, мисалы реаниматолог, кардиолог, ошондой эле санитар жана медайым.

Оорулууну учакка чейин AVIAV TM (Cofrance SARL) компаниясы уюштурган атайын медициналык унаа жеткирет. Биз Кыргызстандын ичинде жана дүйнөнүн каалаган чекитине каттамды сунуш кылууга даярбыз, ишенимдүү европалык клиника менен дарыланууга контракт түзүүгө жардам беребиз жана оорулуунун өзүнө жана коштоочу адамга бардык документтерди, визаны, камсыздандырууну жол-жоболошуруп, саякатты «ачкычка  чейин» уюштурабыз.

Дагы кандай учурларда санитардык учактар керек болот

Медициналык авиация кызматтары жана атайын учактар кээ бир башка учурларда да керек болот. Көбүнчө алар жатма бейтаптарды ташууда колдонулат, бирок андан да көп учурда майыптар, реабилитациялык курортко бара жаткан кары-картаңдар, кеч мөөнөттөгү кош бойлуулар жана жаңы төрөлгөн наристеси бар энелер үчүн буюртулат.

Кээде артка кайткыс окуя орун алат жана адамды эмес, анын денесин башка шаардагы же өлкөдөгү сөөк коюлуучу жерге жеткирүү керек болот. Жөнөкөй авиакомпаниялар мындай жеткирүүлөр менен алектенбейт, ошол себептен мындай кезде атайын учактар керектелет. AVIAV TM (Cofrance SARL) компаниясы мындай каттамды уюштурат, ал эми маркумдун жакындары эч нерседен кам санабаса болот: алар жакын адамын кадыр-барк жана бардык керектүү сый менен акыркы жолго узата алышат.

Медициналык вертолёттор

Тоолуу өлкө болуп саналган Кыргызстанда медициналык вертолёттор өзгөчө актуалдуу. Алар оорулууларды ыкчам ташуу үчүн гана эмес, кырсык аймагынан зыян тарткандарды эвакуациялоо, куткаруу операцияларын аткаруу жана башка ушул сыяктуу максаттар үчүн колдонулат.

Учактан айырмаланып, вертолёттун конуусу жана учуусу үчүн кичинекей аянт жетиштүү. Дал ошондуктан, ал жетүүгө кыйын болгон жерлерге барып, керектүү жардамды көрсөтө алат. Борттогу жабдууларга келсек, бул жерде баары медициналык учактын салонуна окшош: оорукана керебети, дары-дармектер жана бейтаптын өмүрүн сактоо үчүн аппаратура бар.

Кыргызстанда медициналык каттамга кантип ыкчам буюртма жасоого болот

AVIAV TM (Cofrance SARL) компаниясынан медициналык учак жалдоо үчүн биздин сайтта өтүнмө калтыруу же менеджер менен байланышуу жетиштүү. Учуп чыгуу жана жана баруу пункттарын, каттамдын убакытын, оорулуунун же оорулуулардын абалын көрсөтүңүз. Оорулууну коштоо үчүн кандай адистиктеги врач керек экендигин жана бейтапты дагы башка адам коштоорун же коштобосун көрсөтүңүз.

Биз абдан ыкчам иштейбиз: кээде бизге стандартуу эмес татаал каттамды толугу менен  уюштурууга бир нече саат гана керектелет. Бул убакыт сизге оорулууну жолго даярдоого араң жетет. Бирок мындай шашылыш – эң акыркы чара катарындагы вариант, ал өтө шашылыш мезгилде гана колдонулат. Керектүүнүн баарын даярдап, бейтапты болушунча ыңгайлуу которуу үчүн  мындай буюртманы мурдатан, бир нече күн же жума мурун кылуу дурус.

Жөнөкөй жана коопсуз тандоо

Эң жайлуу саякат дагы оор оорулуу адам үчүн бир канча кооптуулукту жаратат. Атайын учак – бул эң тез жана ыңгайлуу вариант. Заманбап навигациялык жабдуулар титирөөдөн качуу үчүн турбуленттүүлүк зонасына кабылбоого мүмкүндүк берет, ал эми тажрыйбалуу учкучтар, бейтаптын борттогу абалын эске алып, аба кемесин кылдаттык менен башкарышат.

Жакшы тилек кылып, жашоого жана ден соолукка күрөшүүгө мүмкүндүк бар болсо, аны сөзсүз колдонуу керек. AVIAV TM (Cofrance SARL) компаниясынын коштоочулары: дарыгерлер, санитарлар, медайымдар, айдоочулар, экипаж – керектүү жардамды гана көрсөтпөстөн, учуу убагында бейтап өзүн коопсуз, сергек, жакшыга үмүттөнүп, кам санабашына жардам берет.

Ошентип, эгер сизге Кыргызстандын ичинде же анын чегинен сырткары учууга медициналык учак керек болсо, биздин компанияга кайрылыңыз. Бейтаптын диагнозуна жана абалына карап, аба кемесинин эң жакшы вариантын жана керектүү адистерди сунуш кылабыз. Эгер сиз жеке врачыңыз менен саякаттоону кааласаңыз, биз ага керектүү документтерди тез арада жол-жоболоштурабыз. Ошондой эле, AVIAV TM (Cofrance SARL) компаниясы коштоочу адам жөнүндө да камын көрөт: ага мейманканадан бөлмө ээлейбиз, өзүн ыңгайлуу сезиши үчүн баарын жасайбыз.

Өтө шашылыш учурда ыкчам аракет кылуу үчүн, биздин тынымсыз байланыш кызматыбызга чалганыңыз оң. AVIAV TM (Cofrance SARL) компаниясынан медициналык учактар жана вертолёттор дайыма сиздин кызматыңызда!

Жеке учакты ижарага алуу канча турат

Эгер сиз AVIAV TM (Cofrance SARL) компаниясынан жеке учак ижарага алгыңыз келсе, биринчи пайда болчу суроолордун бири мындай чартердин баасына байланыштуу болот. Баа дайыма жекече эсептелишин жана көптөгөн факторлордон көз каранды экенин билүү зарыл.

Каттамдын наркы канча болушун эсептөө үчүн «Кофранс САРЛ» компаниясынын менеджери менен телефон же интернет аркылуу байланышуу керек. Сиздин каалоолоруңузду уккандан кийин, кызматкер сизге так баасы көрсөтүлгөн сунуш жиберет. Бул сыяктуу суроо-талап сизди эч нерсеге милдеттендирбейт: келишим сизди бардык шарттар каанаттандырса жана бардык майда-чүйдө суроолор келишилгенден кийин түзүлөт.

Баа эмнеден түзүлөт

Ошондо болжол менен канча, орто эсеп менен канча болот? – деп потенциалдуу кардарлар көп сурашат. Келгиле, сумма эмнеден түзүлөрүн карап көрөлү.

Алгачкы кезекте, учакты ижарага алуунун наркы каттамдын алыстыгы жана тандалган аба кемесинин түрүнө жараша болот, андан соң баага жүргүнчүлөрдүн саны, каттамдын өзгөчөлүктөрү, аэропорттогу токтоолордун узактыгы таасир этет. Жыйынтыктоочу нарк кардар тапшырык кылган кошумча кызматтарды эсепке алуу менен түзүлөт.

Албетте, аба кемеси канчалык алыска учса, каттам да ошончолук кымбат болот. Алыскы каттамдарга, мисалы бир континенттен экинчи континентке учууда өзгөчө кубаттуу реактивдүү лайнерлер талап кылынат жана аларды ижарага алуу баарынан кымбат болот. Орточо аралыктарга турбовинттүү учак жете алат. Ал ушундай эле аралыкка учуучу джетке караганда арзан, анткени бул типтеги аба кемеси колдонулууда экономдуу болуп саналат.

Акырында, кыска аралыкка жеңил учактардын категориясынан 4 орундуу «бөбөк»-учак, а балким вертолёт учат. Аларды ижарага алуу баарынан арзан, бирок кыйла жай учушат, ошол себептен аларды сейрек жалдашат.

Каттамдын болжолдуу баасын өз алдынча эсептөө мүмкүнбү

Конкреттүү сандарды айтсак, жеңил учакты бир саатка ижаралоо 1,5 миң евродон башталат. Ал төрттөн көп эмес жүргүнчүнү жана өтө чоң эмес жүктү ташый алат. «Бөбөктү» автотрассадагы унаалардай тыгында жана сфетофордо турбаган, түз каттам менен жүргөн, ашыкча тегеренмелерди жана бурулуштарды жасабаган «аба таксиси» катары коңшу шаарлардын ортосунда учуу үчүн жалдаса болот. Аэропорттордун саны аз болгон тоолуу аймактарда актуалдуу болгон вертолёт да ушул эле тартип боюнча иштейт.

Көбүнчө ишкерлер беш миң километр аралыкка учуучу орточо учактарды жалдашат. Бул, мисалы, Москвадан Лиссабонго баруу үчүн жетиштүү. Мындай кеменин баасы асмандагы бир саат үчүн 3 миң евродон 7 миң еврого чейин болушу мүмкүн. Баа аба кемесинин өлчөмүнө жана анын кубаттуулугуна жараша болот. Албетте, 20 жүргүнчүгө ылайыкташтырылган тезирээк учуучу джетти ижарага алуу 5-6 саякатычыны жана кичинекей жүктү алчу «кесиптешине» караганда кымбатыраак болот.

Ал эми 10-15 миң километр аралыкты май куюусуз учуп өтүүчү алыска учуучу джеттердин баасы бир учуу сааты үчүн жети миң евродон жогору болот. Мындай учактар, эгер атайын тапшырык менен жасалбаса, жыйырмадан кем эмес жүргүнчүнү батыра алат. Алар чоң эмес болот, мисалы Gulfstream – G 650  бортуна 19дан көп жүргүнчүнү ала албайт. Бирок көбүнчө мындай аралыктарга жөнөкөй комплектациясында жүздөгөн саякатчыларды ташыган «Боинг» жана «Аэрбас» тибиндеги ири учактар учушат.

Жогоруда айтылгандай, турбовинттүү учактар реактивдүүлөргө караганда бир кыйла арзаныраак, ошол себептен кардарлар көп учурда дал ошолорду тандашат. Саякатыңыздын так наркын билгиңиз келсе,  AVIAV TM (Cofrance SARL) компаниясынын менеджерине кайрылыңыз, ал сизге сиздин жагдайыңызга, каттамыңызга жана бюджетиңизге эң ылайык келген моделди тандоого жардам берет.

 

Жеке каттамдын наркына дагы эмне таасир этет

Жеке учакты жалдоодо аэропорттогу токтоолордун узактыгы да абдан маанилүү экенин билүү зарыл. Аэропорттордун жогору тарифине байланышуу, джет жерге караганда асманда арзаныраак турат. Ошол себептен, эгер сиз Мадридге учуп бара жатып, шопингге жана досуңузду көрүүгө Берлинге токтосоңуз, мындай саякат Испанияга түз барууга караганда кыйла кымбат болот. Ушундай учурларда аэропортко токтоо үчүн төлөгөндөн көрө, эки башка учакты жалдоо максатка ылайыктуу.

Албетте, борттогу комфорттун деңгээли да баага өз таасирин тийгизет. Сиз жөнөкөй, орто статистикалык бизнес-классты эстеткен учуунун өзүнө буюртма кылган болсоңуз, башка кеп. Ал эми салондо сизге чоң тегерек стол, кинотеатр, диван, ванна бөлмөсү, ресторандан укмуштуудай ланч керек болсо, бул таптакыр башка вариант. А балким, сиз тосуп алуу үчүн лимузин жана жеке коргоону же аэропорттон яхтага вертолёт менен түз жеткирүүнү тапшырык кыласыз.  AVIAV TM (Cofrance SARL) компаниясы бардык каалоолоруңузду ишке ашырат.

 

Сумма кантип бөлүштүрүлөт

Каттамдын наркы жөнүндө айта турган болсок, аба кемесинин ээси ижарадан аз киреше алаарын, ошол себептен жеке учактын ээлери аларды ижарага берүүгө шашпашын жана өзүнүн учуулары үчүн колдоноорун айта кетүү керек. Джетти колдонуу жана камсыздандыруу абдан кымдат турат. Сиз чартерге төлөгөн сумма кантип бөлүштүрүлөт?

Каражаттын үчтөн бир бөлүгү күйүүчү майга жумшалат! Андан сырткары 20% дароо аэропорттор, узак эмес болсо да, ал жерде токтоо үчүн алышат, дагы 2% – учуу убагындагы аэронавигациялык кызматка кетет. 18% – экипаждын маянасы. Болжол менен 30% калат. Алар учакты техникалык жактан текшерүү жана тейлөө, борттогу тамак-аш, авиаброкердин акысы, трансфер сыяктуу кошумча кызматтарга, башка экпслуатациялык чыгымдарга жумшалат.

Ошондо сиз кожоюндун «чөнтөгүнө» эмес, учуунун өзүнө төлөйсүз. Албетте, чартерди ижарага алууга колунда бар адамдардын, ири уюмдардын, белгилүү коомдук ишмерлерлердин мүмкүнчүлүгү бар. Эгер сиз жеке каттам үчүн төлөгөнгө даяр болсоңуз, AVIAV TM (Cofrance SARL) компаниясына өзүңүзгө ыңгайлуу болгон убакта кайрылыңыз: биз каалаган каттам боюнча учууну уюштуруп беребиз!

Чартерлер: эмнени билүү керек

Азыркы убакта «чартер» деген сөздү баары эле уккан чыгаар. Көпчүлүгү бул сөздү курортко учуп бара жаткан учакка окшоштурушат: аны кандайдыр бир ири туроператор үзгүлтүксүз каттамдардан көз карандысыз жалдап, аны болушунча туристтер менен толтуруп салды. Аба кемеси, мүмкүн, авиакомпаниялардын күнүмдүк ырааттамасында жок багыт менен жөнөйт.

Бирок бул жөн гана «инклюзив чартер» деп аталган, буюртма кылынган каттамдардын бир түрү экенин көпчүлүгү биле бербейт. Учакка чыпталар, эреже катары, турпакетке кирет, ошол себептен саякатчы алардын чыныгы баасын билбей да калат. Туристтик компаниялар турду учуусу жок саткан учурлар сейрек кездешет: мындай учурда алардын милдетине баары бир кардарга «ошол жакка баруучу» учакты табуу жана ага чыпта ээлөө кирет.

 

Жабык чартер 

Дагы кандай чартерлер бар? Биринчи кезекте, албетте, бул индивидуалдык жеке учуулар. Бул сыяктуу каттамга ар бир жашы жеткен адам буюртма жасай алат. Ал үчүн AVIAV TM (Cofrance SARL) ишенимдүү авиаброкерине кайрылып, учакты ижарага алууга келишим түзүү жетиштүү. Ал кардарга ыңгайлуу убакытта керектүү багыт боюнча жол алат.

Борт учуучу жүргүнчүлөрдүн санына карата чакталат, эреже катары, бул сыяктуу буюртмалар 5-10 адамга жасалат. Кааласаңыз, жалгыз жөнөсөңүз да болот. Мындай учуулар эң жогорку деңгээлдеги жайлуулукта өтөт, жүргүнчүлөргө люкс классындагы кызмат көрсөтүлөт.

Мындай каттамдар «жабык чартер» деп аталат. «Жабык» болгонунун себеби – көпчүлүк саякатчылардын конфиденциалдуулукту сактоого болгон аракетинде. Бир гана авиаброкер жана аэропорттун айрым кызматкерлери ким кайда учаарын билишет. Бул маалыматты жарыялоого болбойт.

Көбүнчө саясатчылар, жогорку кызмат ордун ээлегендер, ири ишкерлер, белгилүү коомдук ишмерлер, шоу-бизнес жылдыздары ж.б. ушундай саякатташат. Аба кемеси жеке жана ишке байланыштуу максаттар үчүн ижараланышы мүмкүн. 

 

Эфинити чартер 

Окшош вариант – «эфинити чартер». Бул да индивидуалдык каттам, бирок анын жалдоочусу негизинен уюмдар болот. Жүргүнчүлөр – бир максатты көздөп, саякат кылып жаткан адамдардын тобу. Бул кызматкерлердин иш сапары, театрдын көчмө спектакли, футболисттердин матчка учуусу болушу мүмкүн, жана мындан башка жүздөгөн ар түрдүү варианттар бар.

Буга жараша, чоңураак  өлчөмдөгү аба кемеси талап кылынат. Ал эми буюртма жасоо тартиби ушундай эле, бирок келишим юридикалык жак менен түзүлөт. Андан соң AVIAV TM (Cofrance SARL) авиаброкери көрсөтүлгөн форматтагы учакты табат жана берилген каттам боюнча учууга уруксат алат. Бортто тейлөөнүн ар кандай түрлөрүн алууга болот: такыр жоктон – эң укмуштуу жана сапаттууга чейин. Пайдалуу жагы, жүргүнчүлөрдүн бардык каалоолорун эске алуу мүмкүнчүлүгү жана ар бирине жеке мамиле кылуу болуп эсептелет: мисалы, спортчулар үчүн меню жана жаш балдар үчүн көңүл ачуулар.

 

Нон-эфинити чартер

«Нон-эфинити чартер» окшош вариант болуп эсептелинет. Анын да жалдоочусу уюм болот, бирок жүргүнчүлөр бири-бири менен эч кандай байланышкан эмес, алар бири-бирин тааныбашы да мүмкүн. Бул вариантты көбүнчө кандайдыр бир масштабдуу иш-чаранын күйөрмандары, көрүүчүлөрү жана көз карандысыз катышуучуларынын тобу саякат кылып жатканда, зыярат кылуу компаниясы тандайт. Мындай максаттар үчүн көбүнчө 40-50 орундук учак алынат, бирок кээде мындан да чоң өлчөмдөгү, 100 же андан ашык жүргүнчүлөргө ылайыкташтырылган аба кемелери керектелет.

Ижарага алуу тартиби бирдей: AVIAV TM (Cofrance SARL) компаниясына кайрылып, учакты кандай максатта ижара алынып жатканын айтуу жетиштүү. Эреже катары, жалдоочу кайрылып жаткан учурда эле канча адам учаарын жана алар жөнүндө маалыматтарды билет. Эгер көп жүргүнчү топтолсо, көбүнчө эконом-класс салону бар аба кемеси жалданат, бирок сапаттуураак тейлөөгө да буюртма жасоого болот.

 

Чартердин башка түрлөрү

Кээде тапшырык кылынуучу каттамдарга «блок-чартер» жана «сплит-чартерди» кошушат. Биринчи вариантта кандайбыр бир компания үзгүлтүксүз каттамды аткаруучу учактын бир бөлүгүн ижарага алат (мисалы, ошол эле турфирма – кардарлардын учакта сөзсүз орду бар болушу үчүн).

«Сплит-чартерге» келсек, ал көбүнчө которуулары бар каттамдарда колдонулат. Мындай учурда, акырында керектүү пунктка жетиш үчүн, ар түрдүү каттамдар боюнча учуп жаткан чартерлердин жана үзгүлтүксүз каттамдардын жүргүнчүлөрү «аралашып кетишет». Авиаброкерлер мындай каттамдарды уюштуруу менен алектенбейт, бул суроолор авиакомпания аркылуу чечилет.

 

Чартерлер жөнүндө дагы эмнелерди билүү керек

Чартерлер жөнүндө дагы эмнелерди билүү керек? Эгер AVIAV TM (Cofrance SARL) компаиясынын кардары уюм болсо, мисалы, кызматкерлерин иш сапарына жиберип жаткан ишкана, турфирма ж.б., анда авиаброкер аны менен иштешет. Бул – жалдоочу, жүргүнчүлөрдүн каалоолорунан көз карандысыз, учуп чыгуу аэропортун, жөнөө убакытын, жадагалса саякатчыларды эң акыркы моментте өзгөртүп салышы мүмкүн дегенди билдирет.

Мындай жагдай сөз белгилүү туроператор жөнүндө болуп жатса да, орун алышы мүмкүн. Кээде саякатчы, аны кандайдыр бир себептер боюнча, таң эрте менен эмес, кечинде учуучу башка учакка отургузуп коюшканын учууга болгону бир сутка калганда билет. Бирок, ири уюмдар, эгер чыпталардын баарын сата албай калышса, турдун баасын, атап айтканда – чыптанан баасын акыркы моментте төмөндөтүп коюшу мүмкүн. Ошол себептен, ар бир жагдайдын өзүнүн жакшы жактары бар.

AVIAV TM (Cofrance SARL) компаниясы кандай чартер колдонушуңузга карабастан, кардарлардын бардык каалоолоруна абдан көңүл коюу менен мамиле жасайт. Биз эч качан каттамды башка аэропортко которбойбуз (эгер өзгөчө кырдаал болбосо) жана белгиленген убакытта жөнөө үчүн, учактын аэропортто кармалып калышын болтурбоого аракет кылабыз. Учууларга бизден буюртма кылыңыз жана ырахат менен саякаттаңыз!

 

 

Яндекс.Метрика Top.Mail.Ru